Қазақстандағы ең көп тараған есімдер белгілі болды

Биылғы жыл басында жарияланған тізімге сүйенсек, 2013 жылы Қазақстанда дүниеге келген қазақ балаларына ең көп қойылған есімдер көшін Ерасыл мен Айзере есімдері бастап тұр.

Бұл туралы Bnews.lite хабарлайды.

Ал олардан кейінгі орындарды тиісінше мынадай есімдер жалғастырады: Әлихан, Нұрасыл, Нұрислам, Санжар, Мирас, Айсұлтан, Әмір, Диас, Әли, Ислам, Алдияр, Мансұр, Нұрсұлтан, Ерсұлтан, Әлинұр және Інжу, Айару, Кәусар, Айша, Аружан, Әмина, Аяулым, Сезім, Іңкәр, Диана, Мәдина, Аяна, Аяла, Жанерке, Нұрай.

Бұл есімдерге қарап, қазіргі балаларға ат қоюдан да заман лебі сезіледі десек болғандай. Себебі қазіргі таңда ата-аналардың көбісі жаңа туған сәбилеріне ырымдап, өскенде сондай азамат болсын деп, атақты, даңқты, танымал тұлғалардың есімдерін көбірек қояды екен.