RU

БҚО-да Ұлттық қауіпсіздік комитетінің қызметкері белгісіз жағдайда көз жұмды

5 ақпан күні Батыс Қазақстан облысында Ұлттық қауіпсіздік комитеті департаментінің 34 жастағы қызметкері  Асылбек Молжасовты жерлеу рәсімі өтті.

Марқұмның туыстары қандай да бір пікір білдіруден бас тартты деп хабарлайды Уральская неделя.

Қаза болған марқұмның басына әріптестерінің атынан қайғырып көңіл айтқан жазу жазылған екі тақта орнатылған. Ақпарат көздеріне қарағанда, ер адам 3 ақпан күні ҰҚК-нің қару сақталатын кеңсесінен табылған.

Дерек көздерінің мәліметінше, ол қаруларды тазарту барысында жарақат алып, содан қайтыс болған.

БҚО-ның ҰҚК департаментінде "УН" басылымының тілшісін қабылдамаған. Департамент кезекшісі баспасөз  хатшысының жоқтығын айтып, тілшілерді қабылдаудан бас тартты.

Ішкі саясат бөлімінің баспасөз хатшысы ҰҚК-де болған оқиғадан бейхабар екенін айтқан.

Мақаланың түпнұсқасы: https://kaz.nur.kz/353588-bko-da-ylttyk-kauipsizdik-komitetinin-kyzmetkeri-belgisiz-zhagdajda-koz-zhymdy.html