Қажымұрат Үсеновтің ұсталғаны ресми расталды
Опубликовано:
Мемлекеттік қызмет істері және сыбайлас жемқорлыққа қарсы іс-қимыл агенттігі ЭКСПО-2017 құрылыс департаментінің бұрынғы басшысы Қажымұрат Үсеновтің ұсталғанын растады.
"Иә, ол кеше ұсталған. Тергеу жүргізіліп жатыр. Мәселе оның ЭКСПО-2017 қызметі аясындағы бюджеттік қаражаттар туралы болып отыр", - деп хабарлады жемқорлыққа қарсы мекеме басшысының орынбасары Алик Шпекбаев.
Бұған дейін БАҚ-та Қажымұрат Үсеновтің құрылыс компаниялардың бірінің мүддесін лоббилегені туралы ақпарат болған.
Атап өтейік, ЭКСПО-2017 құрылыс департаментінің бұрынғы басшысының есімі баласы Мақсат Үсеновтің қатысуымен көпшілік арасында шу шығарған ірі жол-көлік оқиғасынан кейін ерекше танымал болды.
Мақсат Үсенов 2013 жылдың 1 желтоқсанында Алматының Қабанбай батыр мен Масанчи көшелерінің қиылысында 23 жастағы Мұрат Қарабалинді көлігімен қағып кеткен болатын. Зардап шегуші оқиға орнында көз жұмған.
4 ақпанда Алматы әкімшілік соты Мақсат Үсеновті 45 күнге қамауға алу шешімін шығарған болатын. Ал 14 ақпанда Үсенов 15 АЕК (27780 теңге) көлемінде айыппұл төлеуге міндеттеліп, жүргізуші құқығынан 1 жылға айырылған.
Мақаланың түпнұсқасы: https://kaz.nur.kz/society/784870-zhemqorlyqqa-qarsy-mekeme-qazhymurat-u/