RU

Джеки Чанның қызы әйгілі актерді әке ретінде сыйламайтынын айтты

Қытайдың әйгілі актері Джеки Чан мансабында жетістіктерге жеткенімен, отбасылық өмірде жолы болмаған сыңайлы. Жақында әртістің туған қызы оны әке деп санамайтынын көпшілікке жария етті деп жазды dalanews.kz.

Осыдан біршама уақыт бұрын оның ұлы есірткімен ұсталып, актердің абыройын айрандай төккен еді. Енді оның некесіз әйелінен туған 15 жасар қызы Эт У Чжолинь Джеки Чанды туған әкесі ретінде елестете алмайтынын ашып айтты.

"Джеки Чан менің биологиялық әкем болса да, оны ешқашан әкем деп есептемеймін. Мен үшін Джеки Чан атақты жұлдыздардың бірі",  – деп актердің қызы қысқа қайырған.

Естеріңізге сала кетейік, 1998 жылы Джеки Чан Гонконгтағы сұлулық байқауында жеңіске жеткен Элейн У Цилимен әуей болып, соңында өмірге нәресте келген еді. Джеки Чан Элейн У Цилимен арада ортақ қыздары бар екенін көпшілік алдында мойындаған-ды. Ал қыздың анасы болса атақты актермен кездесуін өміріндегі үлкен қателіктерінің бірі санайтынын айтқаны есімізде. Енді сол қыз бойжетіп, әкесіне деген сезім жоқ екенін айтты.

Мақаланың түпнұсқасы: https://kaz.nur.kz/806730-dzheki-channynh-qyzy-aygili-akterdi-ake-r.html