RU

Бүгіннен бастап қырғыз-қазақ шекарасындағы кедендік бақылаудың күші жойылады

Бүгін Қырғызстанның ЕАЭО-ға қосылуы туралы шарт күшіне енеді. Қырғызстан Армения, Беларусь, Қазақстан, Ресеймен қатар Еуразиялық экономикалық одақтың толыққанды мүшесі атанады.

Бұл туралы ЕЭК баспасөз қызметінің хабарламасында айтылады.

Бұдан бұрын хабарланғандай, кеше, 5 тамызда Қазақстан Республикасы Қырғызстанның ЕАЭО-ға қосылуы туралы шартты ратификациялау рәсімін аяқтады.

ЕАЭО-ға Қырғызстанның қосылуы туралы Шарттың 11-бабына сәйкес дипломатиялық арналар арқылы ЕАЭО-ға мүше мемлекеттердің мемлекетішілік рәсімдерді орындағаны туралы соңғы хабарламаны алған күні бұл Шарт күшіне енеді. Осы кезден бастап Қырғыз Республикасы ЕАЭО-ның толыққанды мүшесі.

Атап айтқанда, «Мемлекеттік шекараның қырғыз-қазақ учаскесінде  кедендік бақылаудың күшін жою туралы» Еуразиялық экономикалық одақтың  2015 жылғы 8 мамырдағы шешімі мемлекеттік шекараның қырғыз-қазақ учаскесіндегі кедендік бақылаудың күшін жою Қырғыз Республикасының ЕАЭО-ға кіруі туралы шарт күшіне енген күннен бастап іске қосылатыны көзделген, деп хабарлайды КирТАГ.

Мақаланың түпнұсқасы: https://kaz.nur.kz/843352-buginnen-bastap-qyrghyz-qazaq-shekaras.html