RU

Сабина Алтынбекова Қазақстанды тастап, Жапонияға көшіп кетті

Әлемдегі ең сұлу волейболшылардың бірі болып танылған Сабина Алтынбекова Жапонияға көшіп кетті.

Бұл туралы Vesti.kz-ке сілтеме жасап NUR.KZ хабарлайды.

Қазақстандағы ең танымал волейболшы Жапонияның екінші дивизионында ойнайтын GSS Sunbeams клубына ауысқан.

Алтынбекова жапониялық клубқа тамыз айында ауысып кеткен. Бүгінде волейболшының жаңа клубымен жаттығып жүргеніне 1 айға жуық уақыт болды.

Еске сала кетейік, Сабина Алтынбекова жасөспірімдер арасындағы Азия чемпионатында сұлулығымен көзге түсіп, сары құрлық елдеріне дереу танылған болатын.

Алайда, кәсіби волейболшы ретінде Сабина Алтынбекованы ұлттық құрама сапынан көрінген жоқ. Сабина Азия ойындары мен әлем чемпионаты сынды ірі спорттық додаларда ұлттық құрамаға ілінбеген.

Мақаланың түпнұсқасы: https://kaz.nur.kz/898857-sabina-altynbekova-zhaponiyagha-koship-k.html