RU

Әйгілі «Қаракөз» ансамблі үлкен сахнаға қайта оралды

Жетпісінші жылдары еліміздің өнер әлемін дүр сілкіндірген әйгілі «Қаракөз» ансамблінің қазақ сахнасына қайта оралды, деп хабарлайды NUR.KZ.

Шығармашылық қолтаңбасы отандық эстрада тарихында алтын әріптерімен жазылатын «Қаракөздің» басқа ұжымдардан өзгешілігі, ансамбль сахнада тек өзі шығарған әндерін орындады. Бұған негіз топ мүшелері Жақсыкелді Сейілов пен ағайынды Болат және Ахмедия Есмұхановтардың дарынды сазгер болуы еді.

«Қаракөз» ансамблі шырқаған «Кездесу», «Ана туралы баллада», «Неге солай», «Жезкиік», «Махаббат мұңы» әндері бүгінге дейін рухани әлемде айналыста келеді. Осы әндерді кейінгі әншілер мен  топтар жаңғыртып айтып жүр. «Қаракөзді» қайта жаңғырту- уақыт талабы еді.

Аталмыш бастаманы өз қолына алған өнер жанашыры Жаңабай Сәтжанов ансамбльдің қайта түлеуіне өлшеусіз еңбек етті. Қазіргі кезде ол - ансамбльдің мүшесі және продюсері.

Жақында Алматыда өткен концертті жұртшылық ыстық ықыласпен, үлкен қошеметпен қарсы алды. Қазіргі кезде ансамбльдің үлкен концерттері өңірлерде жалғасып, өнер мерейін асырмақ.

Мақаланың түпнұсқасы: https://kaz.nur.kz/921739-aygili-qarakoz-ansambli-ulken-sakhn.html