Шымкентте бір жарым айдан бері іздестіріліп жатқан жұмысшының денесі табылды

Шымкентте жұмысшының мүрдесі қазан айының соңынан бері бұрынғы қорғасын зауытына қарасты цехтардың бірінде үйінді астында жатқан деп хабарлайды КТК арнасы.

Мәйітті тапқан жұрт бұл 40 жастағы жұмысшы Ізбасқан Ерқараевтың денесі деп отыр. Қазан айының 25-і күні дәнекерлеуші Ізбасқан Ерқараев қорғасын зауыты аумағына жалданып жұмыс істеуге кеткен екен. Сол күні ескі ғимараттың бір қабырғасы құлап, дәнекерлеуші үйінді астында қалған.

Туыстары неше мәрте полиция мен құтқарушылардан көмек сұрапты. Бір рет қана иттермен іздеп, үйіндіні бір төңкеріп көрген мамандар қиранды астында адам жоқ деп кетіп қалған.

Бір жарым айдан бері іздеген 30-ға жуық жақындары бүгін төтенше жағдай қызметкерлерінің техникасын пайдаланып қайта қазғанда шіруге айналған мүрдені тапты. Енді туыстары «іздестіріп жатырмыз» дегендердің не іздегенін заң жолымен сұрамақшы.

"Бүгін қазылғанда шықты өлігі. Ол біздің бауырымыз Ерқараев Ізбасқан екені анықталды. Басқа ешкім емес. Түрлерінің бәрі ісіп кеткен", - дейді марқұмның ағасы Май Ерқараев.

Тағы оқыңыздар:

Еркін Ізбасардың анасы: Балам мұнайды түсінде де көрген жоқ

АҚШ-та жоғалған студенттің отбасы «Болашақ» басшыларын өтірік ақпар берді деп айыптады

Жемқорлық дауынан кейін «Бәйтерек Development-те» ауқымды тексеру басталды

Ақтөбедегі мұнай ұрлығын басқарған қылмыс әлемінің серкесі екі айға қамауға алынды

Нигерияда 7 және 8 жастағы екі қыз базардың қақ ортасында өздерін жарып жіберді