Алматыда балалар үйінің бұрынғы түлегі өзін өзі өртеп жіберді

Опубликовано:

Алматыда балалар үйінің бұрынғы түлегі өзін өзі өртеп жіберіп, көз жұмды. Жас жігіт "жастар үйінде" тұрған деп хабарлайды NUR.KZ.

Бұл туралы Nur.kz-ке балалар үйінің бұрынғы түлегі Серік Кенжебеков хабарлаған. Жігіттің айтуынша, қайғылы оқиға өткен дүйсенбі күні болған. Сондай-ақ оның мәліметінше, марқұм болған жігіттің жүйкесі сыр берген.

"Бұл таңғы сағат төртте дәл "жастар үйінде" болды. Ол үстіне бензин құйып, өртеп жіберді", - деп хабардар етті Кенжебеков.

Тағы оқыңыздар: Қостанайлық боксшы 21 жастағы жігітті бір соққысымен өлтіріп тастады

Оның сөзінше, қаза болған жігіттің жасы-28-де.

Жас жігіттің қаза болғанын Алматы қаласының ІІД-де растады.

"Аталған факт істің бірыңғай реестріне тіркелді. Әуезов аудандық ІІБ-нің тергеу бөлімі аталмыш оқиғаға қатысты тергеу жүргізіп, нәтижесінде өлімге не себеп болғанын анықтайтын болады. Алдын-ала мәлімет бойынша, жас жігіт психикалық ауытқушылыққа шалдыққандардың тізімінде тұрған", - деп атап өтті ІІД.

Мақаланың түпнұсқасы: https://kaz.nur.kz/accidents/1607943-almatyda-balalar-uyininh-burynghy-tule/