Байқоңырдағы апат: "Роскосмос" алғашқы болжамдарын жасады

"Роскосмос" басшылығы "Союз" кемесінің ұшу кезінде апатқа ұшырауына не себеп болғанына алғашқы болжам жасады деп хабарлайды РИА Новостиге сілтеме жасаған NUR.KZ.

Болжам бойынша, ұшырылу кезінде ғарыш кемесінің бірінші және екінші сатылары соқтығысып қалуы мүмкін.

Сонымен қатар, "Роскосмос" "Кеме енгізілген траекториядан ауытқып, "сатының төменгі бөлігінің қирауы басталуы мүмкін", - деп отыр.

Агенттік жағдайды білетін дереккөздер төтенше жағдайдан кейін-ақ осыған ұқсас болжам жасағандарын айтып өтті.

Бірақ бұл нақты нәтижелер емес. Шынымен не болғанын арнайы құрылған комиссия анықтайтын болады.

Естеріңізге сала кетейік, бүгін зымыранның бір бөлігі Жезқазғанның маңынан табылған болатын.