Алматыда жол апатын жасаған BMW X5 жүргізушісі оқиға орнынан қашып кетті

Алматыда Рысқұлов-Кудерин көшелерінің қиылысында орын алған жол апатының салдарынан бір адам қайтыс болды. Апатты жағдайға себепкер болған BMW X5 жүргізушісі оқиға орнынан қашып кеткен деп хабарлайды Sputnik Қазақстанға сілтеме жасаған NUR.KZ.

Куәгерлердің мәлімдеуінше, Рысқұлов көшесімен шығыс бағытында жүріп бара жатқан Volkswagen Golf 3 көлігін артынан келіп BMW X5 соққан. Аса жоғары жылдамдықпен келе жатқан көлік салдарынан Volkswagen бордюрге, кейін бетон қабырғаға барып соқтығысқан.

Оның жүргізушісі жедел жәрдем келіп жеткенше қайтыс болған. Анықталғандай, марқұм 1978-ші жылғы азамат болып шықты.

Ал, BMW X5 жүргізушісі болса, көлігінен шығып оқиға орнынан қашып кеткен.

Оған қоса, соқтығысқаннан кейін BMW X5 80 метрдей жүріп барып тоқтаған. Анықталғандай, жүргізуші жазғы дөңгелектерін ауыстырмаған.

Қазіргі таңда полиция қызметкерлері оны ұстау шараларын жүргізіп жатыр.