Ақтаулықтар өрттен ажал құшқан бес қыз баланы аза тұтуда (фото)

Маңғыстау облысының тұрғындары Астанада қайтыс болған қыздарды еске алып, құрмет көрсетті деп жазады Lada.kz сайтына сілтеме жасаған NUR.KZ.

Ақтау тұрғындары амфитеатрдың алдына жиналып, гүл, қуыршақтар, жұмсақ ойыншықтар мен марқұмдардың есімдері жазылған шарлар қойды.

Жергілікті тұрғын Алтай көп балалы әке. Ол науқанға қатысуға бел буып, бес баласын ертіп келген. Алтыншы кенжесін анасымен үйде қалдырыпты.

Белсенді азаматтың айтуынша, ол балаларына астаналық қыздардың хикаясын баяндап бергенде, олар ойланбастан сүйікті ойыншықтарып амфитеатрға әкеліп қойған.

Көңіл айтуға аймақ әкімі Мақсат Ысқақов та келген. Ол марқұм қыздар үшін мешітте дұға етуге болатынын баса айтып өтті.

Еске сала кетейік, төртінші ақпан күні Астанада үй өртеніп, бір үйдің бес қызы қайтыс болғанын жазғанбыз.

Ақтөбенің белсенділері де бес періштенің аруағына құран бағыштап, көкке шар жіберді.

Тараз тұрғындары да қаза болған қыздарды аза тұтты.