Актриса қаза тапқан жол апаты: Gelandewagen жүргізушісі сот алдына келді

Алматы қаласында 2018 жылдың 29 желтоқсанында қазақстандық актриса Шолпан Елгезекова қайтыс болған жол апатына қатысты сот процесі басталды. Бұл туралы NUR.KZ хабарлайды.

Cот алдында Gelandewagen иесі - 34 жастағы Ильяс Кар жауап беруде.

Жүргізуші "Kazakh Product" ЖШС директорының көмекшісі болып қызмет атқарған. Үйленген, үш баланың әкесі. Бұрынырақ істі болмаған.

Сотта күдіктінің қорғаушысы ретінде туған ағасы қатысып жатыр.

Еске сала кетсек, жантүршігерлік жол апаты 29 желтоқсан күні таңғы уақытта Абай мен Сейфуллин көшелерінің қиылысында орын алған.

Көлік апаты салдарынан отандық актриса Шолпан Елгезек қаза тапты. СЧоынмен бірге, бұл қайғылы оқиға тағы екі адамның өмірін жалмады.

Кейінірек полицейлер күдіктіні тұтқындады.