Нұр-Сұлтанда ер адам Highvill тұрғын үй кешенінің 20 қабатынан құлап кетті

Нұр-Сұлтанда ер адам Highvill тұрғын үй кешеніндегі пәтердің терезесінен құлап кетті деп хабарлайды KAZ.NUR.KZ.

Қайғылы оқиға Қошқарбаев көшесінде орналасқан аулалардың бірінде болған.

Алдын ала болжам бойынша, ер адам 20 қабаттан құлап кеткен.

Азамат алған ауыр жарақаттары салдарынан оқиға орнында көз жұмған.

Елордалық полиция департаменті аталмыш факті бойынша тергеу жұмыстары жүріп жатқанын мәлімдеді. Қайғылы жағдайдың жай-жапсары анықталып жатыр.