Top.Mail.Ru

Сайт нұсқасы

ru kz

Зектілері

"Қара джип мінген": Алматыда бар алдында тұрған жігіттерді пышақтап кетті

Опубликовано:

Қыркүйектің 30-на қараған түні Алматыдағы Жароков көшесінде орналасқан бардың жанында қанды оқиға орын алды деп хабарлайды Zakon.kz.

Көрнекі фото: NUR.KZ
Көрнекі фото: NUR.KZ: Original

Куәгерлердің айтуынша, бір топ жас жігіт бардың кіреберісінде тұрған басқа топқа тап берген.

Нәтижесінде екі адам есінен танып, біреуінің сол жақ иығы мен жауырын тұсына 5 рет пышақ салынған.

"Шабуыл жасағандар "дөкей" нөмірлі қара джипке мініп, оқиға орнынан ізін суытты", – дейді куәгерлер.

Қалалық полиция департаменті күдіктілерді анықтау және ұстауға бағытталған тиісті шаралар кешені жүргізіліп жатқанын жеткізді.

"Болған оқиғаны Бостандық аудандық полиция бөлімі тексеруде. Арыз келіп түскеннен кейін ҚР ҚК-нің 293 бабы 3-бөлігінде көзделген қылмыс белгілері бойынша сотқа дейінгі тергеу басталды. Жедел-іздестіру бөлімшелері мен тергеудің тәжірибелі қызметкерлері арасынан арнайы жедел-тергеу тобы құрылды.
Қазір күдіктілерді анықтау және ұстауға бағытталған тиісті шаралар кешені жүргізілуде. Қылмыстың өзге жайттары тергеу барысында белгілі болады", – деп хабарлады Алматы полиция департаментінің баспасөз қызметі.

Мақаланың түпнұсқасы: https://kaz.nur.kz/accidents/1819809-kara-dzip-mingen-almatyda-bar-aldynda-trgan-zigitterdi-pysaktap-ketti/

pixel