Екібастұзда үйіне көршісінің балконы арқылы кірмек болған ер адам көз жұмды

7 қазан күні сағат 15:40-та Королев көшесі, 92-ші үйде тұрғындардың бірі абайсызда төртінші қабаттағы пәтердің балконынан құлап кетті, деп хабарлайды pavlodarnews.kz.

Бұл туралы агенттікке полиция департаментінің баспасөз қызметі мәлім етті.

"Ер адам көрші балкон арқылы өз пәтеріне кірмек болған. Аталған факті тіркеліп, сараптама тағайындалды. Сотқа дейінгі тергеу жүргізілуде", - деді баспасөз қызметінде.

Облыстық денсаулық сақтау басқармасы баспасөз қызметінің мәліметінше, құлаған соң түрлі жарақат алған тұрғын көз жұмған.

Сондай-ақ, сол күні сағат 00:53-те Екібастұз қалалық ауруханасына екі аяғы сынған 37 жастағы ер адам жеткізілді.  Ол екінші қабаттан құлаған.

Мақаланың түпнұсқасы: https://kaz.nur.kz/accidents/1820903-ekibastzda-jine-krsisini-balkony-arkyly-kirmek-bolgan-er-adam-kz-zmdy/