ШҚО-да зорлау оқиғасына қатысты мәліметтерді таратқаны үшін 16 полицей жазаланды
Опубликовано:
Шығыс Қазақстан облысында Шемонаиха ауданының полиция қызметкерлері жауапқа тартылды. Алдын-ала мәлімет бойынша, олар жасөспірімнің зорлыққа ұшырағаны туралы ақпаратты желіде таратқан деп хабарлайды облыстық полиция департаментінің баспасөз қызметіне сілтеме жасаған KAZ.NUR.KZ.
Ведомствоның мәліметінше, қызметтік құжаттың интернетте таралуына қатысы бар құқық қорғау органдарының қызметкерлері жазаланған.
ШҚО ПД басшысы генерал-майор Бақтыбаев полиция бөлімінің 16 лауазымды тұлғасын қатаң тәртіптік жазаға тартуға бұйрық берген. Олардың арасында аудандық полиция бөлімінің басшысы да бар.
Генерал-майор Бақтыбаев "Кәмелетке толмаған адамды әдейі зорлау" және "Өз-өзіне қол жұмсау" баптары бойынша қозғалған істердің тергеу амалдары өзінің жеке бақылауында екенін мәлімдеді.
Еске сала кетейік, ШҚО-да 7 жасар қызға азғындық әрекет жасады деп күдіктелген азамат өз-өзіне қол жұмсағаны хабарланған.
Кейін желіде күдікті жайлы ғана емес, зорлықтың құрбаны болған қыз бала туралы да ақпараттың тарап кеткені анықталды.
Мақаланың түпнұсқасы: https://kaz.nur.kz/accidents/1825969-sko-da-zorlangan-zasspirim-turaly-akparat-taratkany-sin-16-policej-zazalandy/