Ақтөбеде тағы да студенттер төбелесіп, бірі пышақ жарақатын алды
Опубликовано:
Ақтөбеде тағы да студенттер төбелесіп, біреуі пышақ жарақатымен ауырханаға түсті деп хабарлайды KAZ.NUR.KZ ҚазАқпаратқа сілтеме жасап.
Бүгін сағат 10:00-де Ақтөбе қаласындағы жедел жәрдем ауруханасына пышақ жарақатын алған Қ.Жұбанов атындағы АӨМУ колледжінің 2 курс студенті жеткізілген.
"Ақтөбе қалалық полиция басқармасының №1 полиция бөлімі ҚР ҚК-нің 24-3, 99-бабының 2-бөлігімен "Адам өлтіруге оқталу" бойынша қылмыстық іс тіркелді. Аталған қылмысты жасады деген күдікпен Қ.Жұбанов атындағы Ақтөбе өңірлік мемлекеттік университтінің 2 курс студенті ұсталды. Қылмыс құралы пышақ тәркіленді. Тергеу әрекеттері жүргізілуде", - деді облыстық ПД баспасөз қызметінің жетекшісі Ерболат Сарқұлов.
Еске сала кетсек, бұған дейін Ақтөбеде 5 ақпан күні Қ.Жұбанов атындағы Ақтөбе мемлекеттік университетінің 2-курс студенті пышақ жарақатымен ауруханаға жеткізілгені хабарланды.
Полицияның жедел іс-шаралар жүргізуінің арқасында төбелеске қатысы барлар анықталып, ұсталған.
Сондай-ақ, аталған дерек бойынша, Қылмыстық кодекстің 24, 3-99 баптары бойынша сотқа дейінгі тергеу жұмыстары басталған.
Ең маңызды әрі қызықты жаңалықтарды біздің Telegram арнамыздан оқыңыздар!
Мақаланың түпнұсқасы: https://kaz.nur.kz/accidents/1839957-aktbede-studentter-tagy-da-tbelesip-biri-pysak-zarakatyn-aldy/