Тараздағы дәмханалардың бірінде жаппай төбелес болды (видео)

15 қазанға қараған түні Тараз қаласындағы дәмханалардың бірінде жаппай төбелес болды деп хабарлайды Sputnik Қазақстан.

Жамбыл облысы полиция департаменті баспасөз қызметінің хабарлауынша, сағат 01:22-де полицияға Тараз қаласында орналасқан дәмханалардың бірінде белгісіз біреулер қоғамдық тәртіпті бұзып, бір-біріне күш қолданғаны жайлы хабар түскен.

Оқиға орнында түсірілген видеоға сәйкес, бір топ адам екіге бөлініп төбелескен. Арасында тапанша ұстап жүргені де бар.

Аталған дерек негізінде Қылмыстық кодекстің 293-бабы 3-бөлігінің 2-тармағы (Бұзақылық) бойынша сотқа дейінгі тергеп-тексеру амалдары жүргізіліп жатыр.

Өзге дерек тергеу мүддесіне байланысты жарияланбайды.

Мақаланың түпнұсқасы: https://kaz.nur.kz/accidents/1937264-tarazdagy-damxanalardyn-birinde-zappai-tobeles-oryn-aldy-video/