Шығыс Қазақстан облысында тәртіп сақшысы әріптесін қағып кетті
Опубликовано:
Шығыс Қазақстан облысында 2 қаңтарда жол апаты болып, полиция қызметкері әріптесін қағып кетті. Бұл туралы Arnapress.kz басылымына өңірдегі полиция департаменті хабарлады.
Жол апаты Семей-Өскемен тас жолының 25-шақырымында болған.
Құқық қорғау органдарының мәліметінше, Семейден келе жатқан Lada-2170 көлігінің жүргізушісі жолда тұрған жаяу жүргіншіні қағып кеткен. Ер адам оқиға орнында қайтыс болды.
"Жол-көлік оқиғасының екі қатысушысы да - полиция қызметкері. Олардың бір мезетте оқиға орнында болуы бір-бірімен байланысты емес, екеуі де үйлеріне бара жатқан... Жол апатын жасаған жүргізушіге қатысты тергеу амалдары жүріп жатыр. Медициналық куәландыру актісіне сәйкес, ол мас болмаған", - деп хабарлайды полициядан.
Жол апатына қатысты Қылмыстық кодекстің 345-бабы (Көлік құралдарын басқаратын адамдардың абайсызда адам өліміне әкеп соққан жол қозғалысы ережелерін бұзуы) бойынша сотқа дейінгі тергеу жүріп жатыр.
Қылмыстық-процессуалдық кодексінің 201-бабына сәйкес өзге ақпарат жария етілмейді.
Мақаланың түпнұсқасы: https://kaz.nur.kz/accidents/1949647-sygys-qazaqstan-oblysynda-tartip-saqsysy-ariptesin-qagyp-ketti/