Алматыда қару-жарақ дүкенін тонады деп күдікке ілінген ер адам ұсталды

Алматыда қару-жарақ дүкенін тонады деп күдікке ілінген ер адам ұсталды. Ол Жамбыл облысының тұрғыны, деп хабарлайды Хабар 24 арнасы.

Қолға түскен ер адамның бұрын ұрлық жасағаны үшін істі болғаны хабарланды.

Тәртіп сақшылары оның өзге де қылмыстарға қатысы болуы мүмкін деп отыр.

Айта кетейік, Алматыдағы дүрбелең кезінде 7 қару-жарақ дүкені тоналғаны мәлім болды. Қылмыскерлер бас-аяғы 1347 қаруды қолды қылған.

Айта кетейік, осыған дейін Алматыдағы дүкендерді тонады деген күдікпен Түркістанда өскемендік екі ер адам ұсталғанын жазған болатынбыз.