Алматыда 20 шақты көлік соқтығысып, жаппай жол апаты болды (видео)

Бүгін таңертең Алматыда Жароков көшесінің бойында 20 шақты көлік соқтығысып, жаппай жол апаты болды, деп хабарлайды KAZ.NUR.KZ тілшісі.

Оқиға орнында түсірілген бейнежазбалар Kris.p.almaty | Official Telegram парақшасында пайда болды.

Онда жол апаты әл-Фараби даңғылынан төмен Жароков көшесінің бойында болғаны айтылады. Куәгерлер бірнеше көліктің дабыл белгілері қосылып тұрғанын видеоға түсіріп алған.

Олардың сөзінше, шамамен 20-ға жуық көлік соқтығысқан.

Сондай-ақ, кадрдан оқиға орнында жүрген басқа да куәгерлер мен тәртіп сақшыларын аңғаруға болады. Бейнежазба авторлары қалада жол тайғақ екенін ескертіп жатыр.

Олар барлық автокөлік иелеріне сақ болуды ескертіп, әл-Фараби даңғылына қарай шықпау керектігін айтады.

NUR.KZ тілшісі бұл жайтқа қатысты пікір алу үшін Алматы қалалық полиция департаментінің баспасөз қызметіне жүгінді.

Айта кетейік, Алматыда 7 ақпанға қараған түні қар жауған еді. Синоптиктер Алматы тауларында қар көшкіні жүруі мүмкін екенін де ескерткен болатын.

Ескерту! Видеода бейәдеп сөздер бар!