Алматыда жүк көлігі аударылып, жүргізуші қаза тапты
Опубликовано:
Алматыда өндірістік жүк тиегіш аударылды. Қаза тапқандар бар, деп хабарлайды KAZ.NUR.KZ тілшісі Алматы полиция департаментінің баспасөз қызметіне сілтеме жасап.
Оқиға Түрксіб ауданында болған. Жүк тиегіштің жүргізушісі алған жарақаттары салдарынан оқиға орнында қаза тапты.
Полиция аталған факті Қылмыстық кодекстің 156-бабы "Еңбекті қорғау ережелерін бұзу" бойынша тіркелгенін атап өтті. Қазір полиция қызметкерлері сотқа дейінгі тергеу жүргізуде. Өлім фактісі бойынша сот-медициналық сараптама тағайындалды.
"Тергеуге Түрксіб аудандық полиция басқармасының қызметкерлері кірісті", - деп хабарлады полиция департаментінің баспасөз қызметі.
Мақаланың түпнұсқасы: https://kaz.nur.kz/accidents/1956073-almaty-zuk-koligi-audarylyp-zurgizusi-qaza-tapty/
