БҚО-да жол апатынан бір адам көз жұмып, екеуі ауруханаға жеткізілді

Батыс Қазақстан облысында болған жол апатынан жолаушы көз жұмып, екі адам ауруханаға жеткізілді, деп хабарлайды ҚазАқпарат.

БҚО Полиция департамент баспасөз қызметінің мәлімдеуінше, оқиға 20 ақпан күні шамамен сағат 08.00-де Орал-Атырау жолының 207-шақырымында болды.

"Жүргізуші "Тойота Альфард" автокөлігін басқара алмай, аударылып қалуына жол берді. Жол апаты салдарынан екі адам Ақжайық аудандық орталық ауруханасына жеткізілді.

Жолаушы - 1986 жылы туған азамат жарақаттары салдарынан жедел жәрдем көлігінде көз жұмды. Қазіргі кезде Қылмыстық кодекстің 345-бабы 3-бөлігіне сәйкес сотқа дейінгі тергеу амалдары жүргізілуде. Бірнеше сараптама тағайындалды", - деп хабарлады ведомство.