Жезқазғанда қызғаншақ жігіт достарымен бірге қарсыласының пәтеріне басып кірді

Жезқазғанда қызғаншақ жігіт достарымен қарсыласының пәтеріне басып кірді. Олар әйел үшін жанжалдасып қалған, деп хабарлайды ІІМ ресми сайты Polisia.kz.

1 наурызда Қарағанды ​​облысы Жезқазған қаласының полиция басқармасына 28 жастағы қала тұрғыны жүгінген. Ер адамның айтуынша, түнде біреулер оның пәтеріне заңсыз басып кірген.

Жедел-іздестіру тобының қызметкерлері 35-42 жас аралығындағы үш ер адамды ұстады.

Белгілі болғандай, жәбірленуші шабуыл жасағандардың бірімен жанжалдасып қалған. Соңғысы достарын көндіріп, жеке мәселесін шешу үшін арызданушының үйіне келіпті.

Қылмыстық кодекстің 149-бабы бойынша қылмыстық іс қозғалды. Қазіргі уақытта тергеу амалдары жүргізілуде.

Айта кетейік, бұған дейін Қостанайда бейнебақылау камераларының көмегімен ауыр қылмыс ашылғанын хабарлаған болатынбыз. Тәртіп сақшылары танысына пышақ жарақатын салған күдіктіні ұстады. Бағдар барлық полиция нарядтарына беріліп, 10 минут ішінде күдікті ұсталды.