Алматыда 12 жасар қызды көлік қағып кетті

30 сәуірде Алматы көшелерінде 12 жасар қыздың қатысуымен жол апаты орын алды. Жаяу жүргіншілер жолағын кесіп өткен жасөспірімді көлік қағып кетті, деп хабарлайды Zakon.kz.

Анықталғандай, жол-көлік оқиғасы Жандосов көшесінде болған. Жасөспірім солтүстік бағытта бағдаршамы жоқ жаяу жүргіншілер жолағын кесіп өткен.

Ал батыс бағыттан келе жатқан Hyundai Accent маркалы көлік жаяу жүргіншіні қағып кетті.

"Жол-көлік оқиғасы салдарынан кәмелетке толмаған жаяу жүргінші №2 қалалық клиникалық балалар ауруханасына жеткізілді. Бұл факті Әуезов аудандық полиция басқармасының тіркеуіне алынды", - деді Алматы қаласы ПД Анықтау басқармасының бастығы Олжас Шәріпов.