Текеліде лай көшкіні салдарынан жоғалып кеткен 5 жасар қыздың денесі табылды
Опубликовано:
Алматы облысы Текелі қаласы аумағында жүрген лай көшкіні салдарынан жоғалып кеткен 5 жасар қыз баланың денесі табылды, деп хабарлайды KAZ.NUR.KZ тілшісі Алматы облысы ТЖД баспасөз қызметіне сілтеме жасап.
Ведомствоның хабарлауынша, 15 мамыр күні сағат 18.15-те 2016 жылы туған қыз баланың денесі бұзылған үйінді астынан табылған.
Бүлдіршіннің денесін облыстық төтенше жағдайлар департаментінің "Багира" атты қызметтік иті тапқан.
Еске сала кетсек, 15 мамыр түс кезінде Алматы облысы Текелі қаласы аумағында сел жүрді. Салдарынан 5 үй батпақ астында қалып, соның ішінде бір үй толығымен лайға батып кеткен болатын.
Дәл осы үйдегі 5 жасар бүлдіршін із-түзсіз жоғалып кетті. Оны іздеу жұмыстарына 200-дей адам жұмылдырылған еді.
Ал Алматы облыстық ТЖД бүгін сағат 12.10-да Текелі қаласында (алдын ала мәлімет бойынша ұзындығы 50 метр, ені 25 метр, биіктігі 3,5 метр, көлемі 4375 текше метр балшық массасы) лай көшкіні жүргенін хабарлады.
Мақаланың түпнұсқасы: https://kaz.nur.kz/accidents/1969361-tekelide-lai-koskini-saldarynan-zogalyp-ketken-5-zasar-qyzdyn-denesi-tabyldy/