Top.Mail.Ru

Сайт нұсқасы

ru kz

Зектілері

Алматыда толассыз жауған жаңбыр салдарынан ағаштар құлап, үйлерді су басты

Опубликовано:

Жаңбыр
Көрнекі фото: Алматы қалалық ТЖД

Алматыда жексенбі, 22 мамырда толассыз жауған жаңбырдың салдарынан қалада су басудың бес жағдайы тіркелді. Бұл туралы оңтүстік астана әкімдігінің ресми Telegram-каналы хабарлайды.

Әкімдіктің мәліметінше, толассыз жауған жаңбыр салдарынан 7 хабарлама түскен. Оның бесеуі су басу, екеуі ағаштардың құлауы туралы.

"Қазіргі уақытта мегаполистің коммуналдық қызметтері апат салдарын жоюмен айналысып жатыр. Барлығы 40 арнайы техника мен 120-дан астам жұмысшы жұмылдырылды", - делінген хабарламада.

Естеріңізге сала кетейік, бұған дейін республикалық маңызы бар "Алматы-Өскемен" автожолында тоқтамай жауған жаңбыр салдарынан таудан еңіске бағытталған ағын су көпірді шайып кеткенін жазған болатынбыз.

Алматы облысынының төтенше жағдайлар департаментінің мәліметінше, оқиғадан ешкім зардап шекпеген.

Мақаланың түпнұсқасы: https://kaz.nur.kz/accidents/1970491-almatyda-tolassyz-zaugan-zanbyr-saldarynan-agastar-qulap-uilerdi-su-basty/

pixel