Алматы облысында пойыз бен жеңіл көлік соқтығысты (видео)

Опубликовано:

көлік
Видеодан кадр: t.me/ztb_qaz

1 маусым күні таңертең Алматы облысындағы темір жол өткелінде пойыз бен жеңіл көлік соқтығысып қалды. Оқиғаның видеосы әлеуметтік желілерде кеңінен тарап жатыр. Кадрдан апат салдарынан пойыз қозғалысының біршама уақытқа тоқтағанын байқауға болады. Бұл жағдайға қатысты "Қазақстан темір жолы" ұлттық компаниясы" акционерлік қоғамы пікір білдірді, деп жазады KAZ.NUR.KZ тілшісі.

Оқиға куәгерлері апат салдарынан темір жол өткеліндегі қозғалыс 30 минутқа тоқтағанын жеткізген.

"Қазақстан темір жолының" баспасөз қызметі таратқан ақпаратқа сәйкес, жол апаты 6:00 шамасында Алматы облысының Бұрындай – ЖЭО-2 учаскесінде болған.

Көлік жүргізушісі 35 вагоны бар маневрлік локомотивке жол бермей, темір жол өткеліне шығып кеткен. Салдарынан машинист жедел тежегішті басуға мәжбүр болды

"Вагондардың рельстен шығып кетуіне жол берілген жоқ. Апат салдарынан жеңіл көліктің жолаушысы ауруханаға түсті. Оның қолын сындырғаны белгілі болды. Жүргізуші зардап шекпеді", - деп атап өтті ұлттық компания.

Сонымен қатар ҚТЖ қазіргі кезде пойыз басқа локомотив арқылы жолдан шығарылғанын хабарлады.

Темір жол өткелі көлік қозғалысы үшін ашық.

Оқиғаның алдын ала себебі - көлік жүргізушісінің жол қозғалысы ережесін бұзуы.

Мақаланың түпнұсқасы: https://kaz.nur.kz/accidents/1971960-almaty-oblysynda-poiyz-ben-zenil-kolik-soqtygysty-video/

jitsu gif