СҚО-да жол апатынан Ресей азаматшасы көз жұмды

Солтүстік Қазақстан облысында Toyota Corolla және Toyota Land Cruiser көліктерінің қатысуымен жол апаты болып, салдарынан бір адам қаза тапты, деп хабарлайды Polisia.kz.

Басылымның мәліметінше, қайғылы жағдай Челябі-Новосібір тасжолының 645-шақырымында болды.

Ресейлік отбасы мінген Toyota Corolla көлігі қозғалыстың қарсы бағытына шығып кеткен Toyota Land Cruiser көлігімен соқтығысқан. Оның жүргізушісі мас күйде болған.

Toyota Corolla жолаушысы - Ресей Федерациясының азаматшасы оқиға орнында қаза тапты. Ал оның 7 жасар ұлы ауруханаға жатқызылған.

Қазіргі уақытта жол талғамайтын көліктің жүргізушісі уақытша ұстау изоляторына қамалды.

Аталған факті Қылмыстық кодекстің 345-1-бабы бойынша сотқа дейінгі тергеудің бірыңғай тізіліміне енгізілді.

Күдікті 7 жылға бас бостандығынан айырылуы мүмкін.