Өскеменде желден электр сымы үзіліп, әкесі мен баласы көз жұмды

Опубликовано:

Электр қуаты
Көрнекі фото: pixabay.com

Өскемен қаласында қатты желден электр сымы үзіліп, әкесі мен баласы көз жұмды, деп хабарлайды ҚазАқпарат.

Оқиға 17 шілде күні Чернов көшесінде болған. Қатты желден электр сымы үзіліп кеткен. Алдын ала дерек бойынша, 74 жастағы ер адам мен 49 жастағы ұлы сымдарды қозғамақ болған кезде тоқ соғып, екеуі де сол жерде көз жұмған.

ШҚО полиция департаменті баспасөз қызметінің мәліметіне сүйенсек, аталған факті бойынша сотқа дейінгі тергеу амалдары басталды.

"Қазіргі уақытта тиісті сараптамалар тағайындалды. Соның қорытындысы бойынша процессуалдық шешім қабылданады. Өзге ақпарат тергеу мүддесіне сәйкес жария етілмейді", - деп хабарлады ведомство өкілдері.

Мақаланың түпнұсқасы: https://kaz.nur.kz/accidents/1981532-oskemende-zelden-elektr-symy-uzilip-akesi-men-balasy-koz-zumdy/

jitsu gif