Алматыда ер адам көшеде велосипед теуіп келе жатып қайтыс болды

Алматы көшелерінің бірінде велосипедші жолда жағдайы нашарлап, қайтыс болды. Оқиға туралы әлеуметтік желі қолданушылары мәлім етті, деп хабарлайды Ішкі істер министрлігі ресми Telegram-арнасында.

Алматы қаласы Әуезов аудандық полиция басқармасының мәліметінше, бұл дерек ресми түрде тіркелген. Ер адамның өлімінің нақты себебін анықтау үшін сот-медициналық сараптама тағайындалған.

Алдын ала болжам бойынша ер адам Өтеген батыр мен Жұбанов көшелерінің қиылысында велосипед теуіп келе жатып, өзін нашар сезінген.

Ведомство мәліметінше, жедел жәрдем қызметкерлері оның өмірі үшін күрескенімен, оны аман алып қала алмаған.