Павлодар облысында өрт сөндіру көлігі аударылып, құтқарушы көз жұмды (фото)

Өрт сөндіру автоцистернасы Шарбақты ауданындағы "Ертіс Орманы" резерватының аумағында аударылған. Құтқарушылардың ақпараты бойынша, көлікте екі адам болған, олардың біреуі оқыс оқиға салдарынан қаза тапты, деп хабарлайды KAZ.NUR.KZ Павлодар облысының ТЖД сілтеме жасай отырып.

Төтенше жағдайлар департаментінің мәліметінше, көлік 16 қыркүйекте, түскі сағат екі жарым шамасында аударылған. Оқиға Жаңаауыл ауылының маңында, өрт сөндіру бөлімшелері орналасқан жерден 60 шақырым жерде болған. Көлік орман алқабының бойымен, топырақты қара жолмен жүрген.

Бастапқыда құтқарушыларға көлікте екі адамның қысылып қалғаны туралы хабарлама түскен.

"7-ӨСБ бастығы келгеннен кейін жүргізушінің көлікті басқара алмай, аударылып қалғаны анықталды. Соның салдарынан Бауыртал орман шаруашылығының химиялық жауынгері оқиға орнында көз жұмды", – деп хабарлады Павлодар облыстық ТЖД.

Төтенше жағдайлар департаменті марқұмның өрт сөндірумен, жеңдерді пайдаланумен айналысқанын түсіндірді. Өрт сөндіру көлігінің жүргізушісі санитарлық авиациямен Павлодар ауруханасына жеткізілді.