Түркістан облысында автобус пен ГАЗель көлігі соқтығысты: бір адам ажал құшты
Опубликовано:
Түркістан облысында автобус пен ГАЗель көлігі соқтығысқан жол-көлік оқиғасы болды. Салдарынан бір адам ажал құшты. Оқыс оқиғаның видеосы әлеуметтік желіге тарап кетті, деп хабарлайды Polisia.kz.
Полицияның хабарлауынша, 13 қазан күні Түркістан ПБ-ның кезекші бөліміне жол-көлік оқиғасы туралы хабарлама келіп түскен.
Полицейлер оқиға орнына бірден шықты. Анықталғандай, таңғы сағат 08:00 шамасында Самара – Шымкент тас жолында ГАЗель автокөлігі мен Yutong жолаушылар автобусы соқтығысқан.
Жол апаты салдарынан автобус жолаушыларының бірі, Түркістан қаласының тұрғыны алған дене жарақаттарынан қайтыс болды. 5 жолаушы түрлі дене жарақатын алып, ауруханаға жеткізілген.
Қазіргі уақытта бұл жайт Қылмыстық кодекстің 345-бабы 3-бөлігі (Көлік құралдарын басқаратын адамдардың жол жүру немесе көлік құралдарын пайдалану ережелерін бұзуы) бойынша тіркелді.
"Сараптамалар тағайындалды. Қарсы бағытқа шығып кеткен ГАЗель көлігінің жүргізушісі қамауға алынды. Болған оқиғаның толық мән-жайы анықталып жатыр", – дейді құқық қорғаушылар.
Мақаланың түпнұсқасы: https://kaz.nur.kz/accidents/1992569-turkistan-oblysynda-avtobus-pen-gazel-koligi-soqtygysty-bir-adam-azal-qusty/