Жамбыл облысында ҰҚК қызметкері көз жұмды

Ұлттық қауіпсіздік комитетінiң Жамбыл облысы бойынша департаментінің қызметкерi Айтбаев Асқар Күмiсханұлы мезгілсіз қаза тапты, деп хабарлайды KAZ.NUR.KZ тілшісі облыстық полиция басқармасына сілтеме жасап.

"Жамбыл облысы полиция департаментінің басшысы және жеке құрамы Ұлттық қауіпсіздік комитетінiң Жамбыл облысы бойынша департаментінің қызметкерi Айтбаев Асқар Күмiсханұлының мезгілсiз қаза болуына байланысты марқұмның туған-туыстарына қайғысына ортақтасып, көңіл айтады", - делінген хабарламада.

Марқұмның құқықтық тәртіпті, ведомствоаралық өзара іс-қимылды қамтамасыз етуге қосқан үлесіне көпшілік ерекше көңіл аударуда.

"Қызметтегі адалдығы әріптестерiне үлгі, жарқын бейнесі әрдайым жадымызда сақталатын болады", - деп жазды облыстық полиция басқармасы.

Асқар Айтбаевтың неден көз жұмғаны белгісіз. Алайда желі қолданушылары оның теміржолдағы жол-көлік апатынан мерт болғанын жазуда.