Астанада КамАЗ жүргізушісі құбырға зақым келтірді (видео)
Опубликовано:
Астанада КамАЗ жүргізушісі жылумен жабдықтаудың сыртқы магистральдық тас жолын жанап өтіп, салдарынан құбыр жарылды. Көше уақытша жабылды. Бұл туралы елорда әкімдігінің ресми Telegram арнасында хабарланды.
"КамАЗ жүргізушісі мұнара кранының құрылымын тасымалдау кезінде сыртқы магистральдық жылу беру жолын зақымдап, (Сарыарқа ауданы, Дүкенұлы көшесі, 30-үйдің маңында) салдарынан құбыр жарылды", – делінген хабарламада.
Қазір зақымданған аумақты оқшаулаумен "Астана-Теплотранзит" АҚ-ның жедел мобильді топтары айналысып жатқаны да айтылған.
"Жұмыс барысында көше жартылай жабылды. Бірқатар әкімшілік нысан мен тұрғын үйлер ажыратылды", – деп қосты әкімшілік.
Жұмыстардың аяқталатын болжалды уақыты– 5-8 сағат.
Мақаланың түпнұсқасы: https://kaz.nur.kz/accidents/1996830-astanada-kamaz-zurgizusisi-qubyrga-zaqym-keltirdi-video/
