Ақтөбе облысында Toyota Camry көлігі аударылып, 3 жасар бала қаза тапты

Ақтөбе облысында Toyota Camry 30 көлігі аударылып, 3 жасар бала оқиға орнында қаза тапты, деп хабарлайды ІІМ-нің Telegram-дағы POLISIA.KZ ресми жаңалықтар арнасы.

ІІМ-нің ресми Telegram арнасының мәліметінше, оқиға 8 желтоқсан күні, кешкі уақытта Самара-Шымкент автожолында болған.

Toyota Camry 30 автокөлігінің 30 жастағы жүргізушісі Хромтау қаласынан Әйтеке би ауданының Қарабұтақ ауылы бағытында жүріп келе жатып, рөлді басқара алмай, жыраға аударылған.

Салдарынан 3 жасар бала алған дене жарақатынан оқиға орнында қайтыс болса, көлік жүргізушісі Әйтеке би ауданының ауруханасына жеткізілген.

Қазіргі таңда аталған факт бойынша сот-медициналық және автотехникалық сараптамалар тағайындалған.

Сонымен қатар ҚР ҚК-нің 345-бабының 3-бөлігі бойынша сотқа дейінгі тергеп-тексеру басталған.