Шымкентте тоғызыншы қабаттан құлап кеткен құрылысшы аман қалды

Бүгін Шымкентте салынып жатқан құрылыс нысандарының бірінде оқыс жағдай болды. Шамамен 30 жастағы жігіт тоғызыншы қабаттан жетінші қабатқа құлап кеткен, деп хабарлайды Отырар арнасына сілтеме жасаған KAZ.NUR.KZ.

Оқыс оқиға бүгін түс кезінде, Байтұрсынов көшесіндегі құрылыс ғимараттарының бірінде болған.

30 жас шамасындағы жігіт құрылыс жұмыстарын жүргізу барысында тоғызыншы қабаттан жетінші қабатқа құлап түсті. Абырой болғанда, ол аман қалды. Бірақ ауыр жарақатпен ауруханаға жеткізілген.

"Сағат түскі бірге таман құрылысшының құлағаны туралы хабар түсті. Оның кеуде қуысы мен бүйрегі зақымданып, кәрі жілігі сынған. Бас сүйек пен мидың жабық жарақаты диагнозы қойылды. Қалалық №1 ауруханаға жеткізілді", - дейді ота бөлімінің аға дәрігері Карима Жантасова. 30

Мәтіннен қате тапсаңыз, бізге жазыңыз