Top.Mail.Ru

Сайт нұсқасы

ru kz

Зектілері

Алматы облысында ер адамды атып кеткен күдікті ұсталды

Опубликовано:

Ер адам мылтық кезеп тұр
Ер адам мылтық кезеп тұр. Көрнекі фото: Рexels.com

Алматы облысында 32 жастағы ер адам оққа ұшты. Қылмыс Талғар қаласында болған. Күдікті шекарадан өтпек болған жерінде ұсталды, деп хабарлайды Polisia.kz сайтының ресми Telegram-арнасы.

Полицияның хабарлауынша, Талғар полицейлері 32 жастағы азаматты өлтірген болуы мүмкін деген күдіктіні ұстаған.

"24 қаңтар күні сағат 13:48 шамасында Талғар ауданының полиция басқармасына оқ жарақаты бар 32 жастағы азаматтың денесі табылғаны туралы хабарлама түсті. Аталған дерек Қылмыстық кодекстің 99-бабының 1-бөлігі бойынша жоғарыда көрсетілген бөлімшенің СДТБТ-да тіркелді", – делінген хабарламада.

Полиция 1990 жылғы күдікті, Талғар ауданының тұрғынын Қордай ауылындағы шекарадан өтпек болған кезде ұстағанын айтты.

Қазір ол уақытша ұстау изоляторына қамалды.

Мақаланың түпнұсқасы: https://kaz.nur.kz/accidents/2006752-almaty-oblysynda-er-adamdy-atyp-ketken-kudikti-ustaldy/

pixel