Түнде естілген атыс дауысы Ақтау тұрғындарын шошытты (видео)

Түнде естілген атыс дауысы Ақтау тұрғындарын алаңдатты. Бұл жайтқа қатысты полиция пікір білдірді, деп хабарлайды KAZ.NUR.KZ Telegram-дағы ІІМ жаңалықтары ресми арнасына сілтеме жасап.

Полицияның мәліметінше, 16 мамыр күні сағат 00:37 шамасында 102 кезекші пультіне 16 шағын ауданда белгісіз тұлғалардың бірнеше рет оқ атқаны туралы хабарлама келіп түскен.

"Оқиға орнына жедел-тергеу тобы барды. Ол жерден атыс гильзалары тәркіленді. Тексеру барысында Маңғыстау облыстық ауруханасына оқ жарақатынан зардап шеккен адам түспегені анықталды", - дейді полиция өкілдері.

Сондай-ақ құзырлы орган бұл дерек Қылмыстық кодектің 293-бабы 3-бөлігі бойынша СДТБТ-да тіркелгенін атап өтті.

Полиция тергеу мүддесі үшін өзге ақпарат жария етілмейтінін мәлімдеді.