Түркістан облысында 5 жасар бала терезеден құлап кеткен

Қазақстанда тек бір тәуліктің ішінде елімізде екі бала терезеден құлап кеткен. Бұл туралы KAZ.NUR.KZ Төтенше жағдайлар министрлігінің Telegram-дағы ресми арнасы сілтеме жасап хабарлайды.

Ведомство мәліметінше, 8 маусымда Жезқазғандағы 5 қабатты тұрғын үйде ересектердің қарауынсыз қалған 2021 жылы туған бала 3-қабаттың терезесінен құлап, ауруханаға жатқызылған.

"Түркістан облысындағы Таукент ауылында 5 қабатты тұрғын үйде тағы да ересектердің қарауынсыз қалып, 5-қабаттың терезесінен құлап, үй иесінің 2018 жылы туған ұлы сол жерде қайтыс болды", - делінген хабарламада.

Сонымен қатар ТЖМ ата-аналар назарына баланы терезеден құлаудан қалай қорғауға болады деген тақырыпта нұсқаулық ұсынды.