Павлодарда көлікке оқ атылды (видео)

Әлеуметтік желіде Павлодардағы көшелердің бірінде көлікке оқ жаудырған сәт түсірілген видео пайда болды. Бұған қатысты облыстық полиция департаменті пікір білдірді, деп хабарлайды KAZ.NUR.KZ.

"Павлодарда көліктерге оқ жаудырылып жатыр, арыз жазылды, барлығы тіркелді", - деп жазылған видеоның сипаттамасында.

Видео авторы бұл жайтты тексеріп, кінәлілерді табуды сұрады.

Осыған байланысты Павлодар облысының полиция департаменті жазбаға пікір білдірді.

"Аталған дерек Павлодардың Солтүстік полиция басқармасының жедел-іздестіру бөлімінде тіркеліп, белгісіз адам автокөлікке пневматикалық қарудан оқ атқаны анықталды", - деді ведомство өкілдері.