Алматыда 68 жастағы жаяу жүргіншіні көлік қағып кеткені видеоға түсіп қалды
Опубликовано:
Алматының Түрксіб ауданында жаяу жүргіншілер өткелінде 68 жастағы әйелді қағып кетті. Ол түрлі жарақаттармен ауруханаға жеткізілді деп хабарлайды қалалық полиция департаментіне сілтеме жасаған KAZ.NUR.KZ.
- Алматының Түрксіб ауданында 68 жастағы әйелді жаяу жүргінші өткелінде көлік қағып кетті.
- Оқиға Рысқұлов пен Шемякин көшелерінің қиылысында орын алып, жәбірленуші ауруханаға жеткізілді.
- Полиция департаменті Toyota көлігінің жүргізушісі Айша Бибі көшесінен бұрылған кезде әйелді қағып кеткенін растап, оқиғаның мән-жайы анықталуда.
Оқиға орнында түсірілген видео ZHEST_KZ Telegram-дағы арнасында жарияланды. Оқиға бүгін таңертең Алматыдағы Рысқұлов пен Шемякин көшелерінің қиылысында болғаны хабарланды.
Қалалық полиция департаментінің баспасөз қызметі NUR.KZ тілшісіне жол апаты дерегін растады.
"Toyota көлігінің жүргізушісі Айша Бибі көшесімен оңтүстік бағытта Рысқұловаға қарай солға бұрылып келе жатып, 68 жастағы жаяу жүргіншіні қағып кеткен. Әйел қалалық ауруханалардың біріне жеткізілді", - делінген хабарламада.
Түрксіб аудандық полиция бөлімінің қызметкерлері жол апатының мән-жайын анықтауға кірісті.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2146294-almatyda-68-zhastagy-zhaiau-zhurginshini-kolik-qagyp-ketkeni-videoga-tusip-qaldy/