Алматыда 11 жастағы бала терең орға құлап кеткен (видео)

Алматыда құтқарушылар тереңдігі 4 метр болатын орға құлап кеткен баланы құтқарып алды. Бұл туралы ТЖМ Telegram-дағы арнасында хабарлады.

ТЖМ ақпаратынша, 112 пультіне Алматының Наурызбай ауданындағы "Елисейские поля" коттедж қалашығында тереңдігі 4 метр болатын орға 2013 жылы туылған бала құлағаны туралы хабарлама келіп түскен.

"Шақыру орнына келген ТЖМ Республикалық жедел-құтқару жасағының құтқарушылары зембілдің көмегімен баланы алып шықты. Алғашқы медициналық көмек көрсетіп, жедел жәрдем қызметкерлеріне тапсырды", - делінген хабарда.

Еске салсақ, бұған дейін Астанада жұмысшы шұңқырға құлап кеткен болатын.

ТЖМ ақпаратынша, Нұра ауданында жер қазу жұмыстарын жүргізу кезінде жұмысшылардың бірі тереңдігі 2 метр шұңқырға құлап, аяғын жарақаттап алған.