Астанадағы сауда орталықтарының бірінде эскалаторда үш бала зардап шекті

Астанадағы сауда және ойын-сауық орталықтарының біріндегі эскалатордың ақауы салдарынан үш бала зардап шекті. Бұл туралы KAZ.NUR.KZ хабарлайды.

ОКҚ-да өткен брифингінде елордадағы №2 көпсалалы қалалық балалар ауруханасының ортопедия бөлімінің меңгерушісі Ағабек Чикинаев балалар неден жарақаттанғанын айтты.

"Сауда орталықтарының бірінде екі күннің ішінде үш бала бірдей жарақат алды", - деді Ағабек Чикинаев.

Оның сөзінше, жарақат алғандар – екі мен үш жас аралығында балалар.

"Олардың саусақтары өте кішкентай, қадағалаушы орган келіп тексергенде, балалардың саусақтарын қысып, жарақаттаған эскалатордың тістектері сынғаны анықталды", - деді спикер.

Еске сала кетейік, осыған ұсқас оқыс оқиға наурыз айында Ақтау сауда орталықтарының бірінде болған – жеті жасар қыз саусағынан айырылған болатын.

Мәтіннен қате тапсаңыз, бізге жазыңыз