Алматыда көпқабатты үйден өрт шығып, бірнеше адам құтқарылды (видео)

Алматыда көпқабатты үйдің бірінші қабатында өрт шықты. Өрт сөндірушілер бірнеше адамғды эвакуациялады, деп хабарлайды Төтенше жағдайлар министрлігіне сілтеме жасаған KAZ.NUR.KZ.

Ведомство мәліметінше, Алматы қаласы Алмалы ауданында орналасқан көпқабатты тұрғын үйлердің біріндегі бірінші қабаттағы пәтерде өрт болды.

"ТЖД қызметкерлері баспалдақ маршымен 5 адамды эвакуациялап, 1 кейуана мен 2 баланы құтқару қалпақтары арқылы құтқарған.

Тәжірибелі өрт сөндірушілер өрттің таралуына жол бермей, оны 8 шаршы метр алаңда жедел сөндірді. Зардап шеккендер жоқ", - делінген хабарламада.

ТЖМ үйде өрт шыққан жағдайда әрекет ету тәртібін жариялады.

• Газ беру кранын жабыңыз, электр қуатын өшіріңіз;
• Өрттің дамуының бастапқы кезеңінде сіз оны барлық өрт сөндіру құралдарын (өрт сөндіргіштер, төсек жапқыштары, құм, су және т.б.) пайдаланып сөндіруге тырысыңыз;
• Ауа ағыны мен өрттің таралуын болдырмау үшін үйіңіздегі барлық есіктерді жабыңыз;
• Үйден шығыңыз, осы жағдайда ең қауіпсіз жолмен жүріңіз;
• Егер түтін сіздің үйіңізге еніп кеткен болса, еденге жақын болыңыз: ол жерде әрқашан таза ауа болады.
• Аузыңыз бен мұрныңызды дымқыл орамалмен немесе сүлгімен жабыңыз;
• Өрт сөндірушілердің рұқсатынсыз үйге оралмаңыз.

 Төтенше жағдай туындаған жағдайда 112 нөміріне қоңырау шалу ескертілді.