Өзбекстанда алып тас таудан құлап, көліктегі үш адам мерт болды

Өзбекстанда үлкен тас таудан құлап, жол бойында келе жатқан көлікті басып қалды. Оқиға салдарынан көлікте болған үш адам қаза тапты, деп хабарлайды Gazeta.uz басылымына сілтеме жасаған KAZ.NUR.KZ.

Өзбекстанның Қашқадария облысы жол полициясы басқармасы баспасөз қызметінің хабарлауынша, қайғылы оқиға жергілікті уақыт бойынша шамамен сағат 16:00-де Ташкент – Термез тасжолында болған. Үш адам да оқиға орнында көз жұмды.

Басылым мәліметінше, оқиғаға байланысты жолдағы көлік қозғалысы уақытша тоқтатылды.

Петропавлда жергілікті тұрғын жеке үйді бұзып жатқанда, қабырға құлап, ер адам қаза тапқан болатын.

Еске салайық, Алматыда әйел адамды екі бірдей көлік қағып, тұрғын қаза тапқан еді.