Алматыдағы төбелес кезінде полиция қызметкері жараланды

Кеше түнде Алматыда болған төбелес кезінде полиция қызметкері жараланды. Ведомство өкілдері қылмыстық іс қозғалғанын хабарлады, деп жазады KAZ.NUR.KZ тілшісі.

Egovpress Telegram-арнасының хабарлауынша, түнде Алматының Алатау ауданындағы дәмханалардың бірінің жанында төбелес болып, полиция капитаны сол жақ кеудесінен жарақат алған.

"Оқиға болған күні полиция қызметкері кезекшілікте болмаған. Жамбыл облысынан келген күдікті көп ұзамай ұсталды", - делінген хабарламада.

Полиция департаменті төбелес туралы ақпаратты NUR.KZ тілшісіне растады. Аталған факті бойынша қылмыстық іс қозғалғаны хабарланды.

"Күдікті ұсталып, уақытша ұстау изоляторына қамалды", - деп хабарлады ведосмтво өкілдері.

Еске салсақ, Оралда қазанда еңбек демалысында жүрген полиция қызметкерін пышақпен жарақаттаған болатын. Сол кезде полиция өкілдері денсаулыққа қасақана зиян келтіру фактісі бойынша қылмыстық іс қозғалғанын мәлімдеді.

Автор: Динар Мұрат

Мәтіннен қате тапсаңыз, бізге жазыңыз