Қарағандының орталық әмбебап дүкенінде төбе опырылды (видео)

Қарағандыдағы ​​орталық әмбебап дүкенде төбенің бір бөлігі опырылып түсті. Оқиғаның мән-жайын сауда орталығының басшылығы баяндады, деп хабарлайды ekaraganda.kz сайтына сілтеме жасаған KAZ.NUR.KZ.

Оқыс жағдай бүгін таңертең болған. Әмбебап дүкендегі төбенің бір бөлігі витриналардың біріне опырылып түскен. Абырой болғанда сатушы зардап шекпеген.

Сауда орталығы басшылығының мәліметінше, нысанда биылғы жылдың мамыр айынан бері жөндеу жұмыстары жүргізіліп жатыр.

"22 қарашада сағат 10:50-де төменгі қабаттағы құрылыс-жөндеу жұмыстары кезінде гипсокартонның бөлігі жартылай құлаған.

Зардап шеккендер жоқ, оқиға болған жер қоршалды, қалпына келтіру жұмыстары жүргізілуде", - дейді әкімшілік өкілдері.

Сауда орталығының басшылығы орталық әмбебап дүкен қалыпты режимде жұмыс істеп тұрғанын атап өтті. Олар туындаған қолайсыздықтар үшін келушілерден кешірім сұрады.