Алматыда қоғамдық көлікте әйелді ұрған ер адам қамауға алынды
Жарияланған күні:
Алматы полициясы қоғамдық көлікте әйелді ұрған 66 жастағы жергілікті тұрғынды ұстады. Бұл туралы KAZ.NUR.KZ қалалық ПД баспасөз қызметіне сілтеме жасап хабарлайды.
Ведомство мәліметінше, автобус жолаушылары арасында жанжал болған.
Әйелдің дауысын қатты шығарып сөйлегеніне наразы болған жолаушы оның денесіне зақым келтірген.
"Бұзақылық дерегі бойынша қылмыстық іс қозғалды. Күдікті ұсталып, уақытша ұстау изоляторына қамалды. Сотқа дейінгі тергеу жалғасуда", - деді Алмалы аудандық ПБ-на қарасты полиция бөлімінің бастығы Батұржан Әбдумасаров.
Алматы қалалық полиция департаменті заңдылық пен тәртіпті қамтамасыз ету басты міндет болып қала беретінін ескертті.
"Әрбір азамат заңдылық пен тәртіптің мүлтіксіз сақталатынына, кез келген заңсыз әрекеттерге тиісті құқықтық бағасын алатынына сенімді болуы керек", - делінген хабарламада.
Мақаланың түпнұсқасы: https://kaz.nur.kz/accidents/2192441-almatyda-qogamdyq-kolikte-aieldi-urgan-er-adam-qamauga-alyndy/
